GENETIKA KONTZEPTU NAGUSIAK

GENETIKA KONTZEPTU NAGUSIAK

Locus edo loci: gene batek kromosoma batean duen kokapenari deritzo.

Alelo: gene batek karaktere batekiko izan ditzakeen adierazpen desberdinei deritze. Orokorrean gene batek 2 alelo ditu eta kromosoma homologoetan leku berberean agertzen dira. Gametoek alelo bakarra jasotzen dute.

-Banako homozigotoak: banako batean, gen baten aleloak elkarren berdinak direnean, alelo horiek homozigosian daudela esaten da, eta banakoa karaktere horrekiko homozigotoa izango da. Adib. AA, aa, BB, bb

-Banako heterozigotoak: banako batean, gene baten aleloak elkarren desberdinak direnean, alelo horiek heterozigosian daudela esaten da, eta banakoa karaktere horrekiko heterozigotoa edo hibridoa izango da. Adib. Aa, Bb, ...

AA: Homozigoto gainartzailea. Kolore horia.

aa: Homozigoto azpirakorra. Kolore berdea.

Aa: Heterozigotoa. Kolore horia.

-Alelo gainartzailea: heterozigotoak diren banakoetan, fenotipoan agertzen den aleloari gainartzailea deritzo. Letra larriz adierazten da. Adib. ilarraren kolorearen kasuan, A aleloa, kolore horiari dagokiona da gainartzailea.

-Alelo azpirakorra: heterozigotoak diren banakoetan, fenotipoan agertzen ez den aleloari deritzo. Letra xehez adierazten da. Adib. ilarraren kolorearen kasuan, a aleloa, kolore berdeari dagokiona da azpirakorra.

-Genotipoa: banako batek progenitoreetatik heredatu dituen geneen multzoari deritzo.

-Fenotipoa: organismo batek adierazten dituen karaktereen multzoa, behagarriak direnak, ikusten ditugunak.